ചങ്ങനാശേരി: കേരള സ്റ്റേറ്റ് സര്വീസ് പെന്ഷനേഴ്സ് യൂണിയന് കോട്ടയം ജില്ല 34-ാമത് വാര്ഷിക സമ്മേളനം ഇന്നും നാളെയും ചങ്ങനാശേരി മുനിസിപ്പല് ടൗണ് ഹാളില് നടക്കും. ഇന്ന് രാവിലെ പത്തിന് നടക്കുന്ന സമ്മേളനത്തില് ജില്ലാ പ്രസിഡന്റ് ജോസ് തോമസ് അധ്യക്ഷത വഹിക്കും. മന്ത്രി വി.എന്. വാസവന് ഉദ്ഘാടനം ചെയ്യും.
ചങ്ങനാശേരി മുനിസിപ്പല് ചെയര്മാന് ജോമി ജോസഫ് പ്രസംഗിക്കും. പ്രതിനിധി സമ്മേളനം സംസ്ഥാന ജനറല് സെക്രട്ടറി ആര്. രഘുനാഥന് നായര് ഉദ്ഘാടനം ചെയ്യും. ‘ദേശസംസ്കാരവും ഭരണഘടനയും’ എന്ന വിഷയത്തില് ഡോ. അജു കെ. നാരായണന് മുഖ്യപ്രഭാഷണം നടത്തും.
നാളെ രാവിലെ പത്തിന് തദ്ദേശ സ്വയംഭരണ സ്ഥാപന തെരഞ്ഞെടുപ്പില് വിജയിച്ച സംഘടനാ അംഗങ്ങളെയും സര്ഗമാധുരി രചനാമത്സരങ്ങളില് വിജയിച്ചവരെയും അനുമോദിക്കും. ഭാരവാഹികളുടെ തെരഞ്ഞെടുപ്പ്, പ്രമേയാവതരണം എന്നിവയും നടക്കും.
2.30ന് വനിതാ സമ്മേളനം ഡോ. മ്യൂസ് മേരി ജോര്ജ് ഉദ്ഘാടനം ചെയ്യും. 3.30ന് ടൗണ് ഹാളില്നിന്നു പെരുന്ന ബസ് സ്റ്റാന്ഡ് മൈതാനിയിലേക്ക് പ്രകടനം. പൊതുസമ്മേളനത്തില് ജില്ലാ പ്രസിഡന്റ് ജോസ് തോമസ് അധ്യക്ഷത വഹിക്കും. ജോബ് മൈക്കിള് എംഎല്എ ഉദ്ഘാടനം ചെയ്യും.
സമ്മേളനത്തിനു മുന്നോടിയായി അഞ്ചുവിളക്ക് ജംഗ്ഷനില്നിന്നും ടൗണ് ചുറ്റി ഇരുചക്രവാഹന വിളംബര റാലി ഉണ്ടായിരുന്നു.ജില്ലാ സെക്രട്ടറി കെ. കേശവന് ഫ്ളാഗ്ഓഫ് ചെയ്തു. പ്രഫ.എസ്. ആനന്ദക്കുട്ടന്, മറ്റപ്പള്ളി ശിവശങ്കരപ്പിള്ള, ജോണിക്കുട്ടി സ്കറിയ തുടങ്ങിയവര് പ്രസംഗിച്ചു.
Deepika
E-paper LOGIN
LOGIN
